Tante Pose

Sted: Nynorskens hus

Arrangement av Teaterlaget i BUL Oslo

Midt i juleførebuingane melder Blanca, den upopulære søstera til herr Bals, at ho aktar å feire jul på Balsgarden. Herr Bals og alle andre veit at «Tante Pose», som dei kallar henne, og svigerfar til Bals ikkje kan halde ut med kvarandre.

Familien fryktar besøket vil øydelegge heile julefeiringa. Ei frykt som viser seg å ikkje vere heilt grunnlaus. Kan jula reddast? Vil den yngre garden i huset finne kjærleiken? Har tenarskapet bakt nok kneppkakar? Det er duka for julefeiring, hemmeleg kjærleik og full panikk på Balsgarden - og du er invitert!

«Tante Pose» er ein norsk juleklassikar utan like. Filmversjonen av romanen til Gabriel Scott har for mange blitt ein fast juletradisjon og no har de sjansen til å sjå kaoset utspele seg på teaterscena når Teaterlaget i BUL inviterer til førjulsteater.

Velkommen til framsyning i Teatersalen i Nynorskens hus!

Regi: Christina Næss og Mari Elise Haugen

Framsyningar:
Laurdag 3. desember: Kl.18:00
Sundag 4. desember: Kl.18:00
Måndag 5 desember: Kl.19:00
Onsdag 7. desember: Kl.19:00
Fredag 9. desember: Kl.19:00

For billettar:
https://bul.ticketco.events/no/nb